20, జనవరి 2009, మంగళవారం

ఇది చాలుగా...

బ్రహ్మ పదార్థమే అది
అయినా ఐస్ క్రీమ్ అంత ఇష్టం
విశ్వమంత పాతదే అది
అయితేనేం... నిత్యనూతనమే
నిలువ నీరు కాదుసుమా
నిత్యపరిమళభరిత గంధమది
వ్యక్తీకరించేదే భావమా?
అవ్యక్తానుభవయ్యేదీ..?
బరువుల్లోనూ, బాధ్యతలలోనూ
నిత్యం నీడలా ఉండేదీ?
అక్షరానుభూతులతో వివరించలేను
కుసుమ రేకలను రాల్చలేను
రూపమిదే అని నిర్ధారించలేను
రుంగూ, రుచీ చెప్పలేను
నేను అనుభూతిస్తున్నా...
చెప్పటానికి ఏదో ఓ రోజు
సంస్కృతీ... వాదాల్లోకి కాదుగాని
మనసు విప్పి చెపుతున్నా
నేను ఇప్పటికీ 20లోనేనని
ఎప్పటికీ అంతేననీ
మనసంతా నువ్వేననీ...

- ౧౪.౦౨.౨౦౦౨