వాడు ఊహించని హఠాత్ పరిణామం
నా ప్రేమోన్మత్త కాంక్షాభరిత ప్రపంచానికి
వాడో సుతిమెత్తని అడ్డమన్న భయం
వాడు.. వాడే, నువ్వు.. నువ్వే
అభయాన్నీ స్వీకరించనివ్వని వైకల్యం
ఎంత చెప్పినా... పట్టు సడలిందన్న భావన
కాదు కాదు... వాడు ఆక్రమించేశాడు మెల్లగా
మెట్టుపై చెప్పిన కథలను... పంచిన సుధలనూ
మింగేసిన బుర్ర తక్కువ కర్కశత్వం
లేతాకుపై పురుగు చేసిన గాయం
ప్లాస్టిక్ సర్జరీలు లేవు.. లేపనమూ లేదు
ఒకటా రెండా... సమ్మెట పోటులెన్నో
గొడ్డలి దెబ్బకు చీలిన చెట్టు
పదును మొద్దుబారినా గాయం మానదు...
ప్రతిబింబమై నిలిచిన రూపు వాడు
ఇప్పుడూ భయపెడుతూనే ఉన్నాడు
సారం వేరై... సడి లేని నవ్వుతో
సొదలు లేని ‘సుర’లు పంచుతూ
కామెంట్‌లు లేవు:
కామెంట్‌ను పోస్ట్ చేయండి