చూసుకో

జీవితాన్ని నగ్నంగా చూడాలి
మెహర్బానీలపై మోహ ప్రేమ
చిక్కటి అడివిలో అంతుచిక్కని
వెలుగు చీకట్లపై భయం ముసుగునేస్తుంది
అలవాటులేని స్వచ్ఛమైన ఆక్సిజన్
కార్బన్ డై ఆక్సైడై ఊపిరి సలపనివ్వదు
ఇప్పుడు ఎవరెస్టు ఎక్కడంలో
ఏముందిరా ఆనందం
నిన్ను నువ్వు చూసుకో
తెరలను పొరలు పొరలు గా తీసి
కనుగొన్న రోజు హృదయాంతరాల్లో
ఘోష పెనుకేకై నిను ముంచేస్తుంది
విజేతగా నిలబెడుతుంది.